नेपालनिकट युवा संघको भेला ढिलो शुरु

नेकपा एमाले (खनाल-नेपाल) निकट भातृ संगठन युवा संघ नेपालको केन्द्रीय कमिटी बैठक शुरु भएको छ ।

बुद्धनगरस्थित क्वालिटी ब्याँक्वेटमा शुरु भएको पहिलो पूर्ण बैठक तथा सपथ ग्रहण कार्यक्रमलाई पूर्वप्रधानमन्त्री तथा बरिष्ठ नेता झलनाथ खनालले सम्बोधन गर्नुहुने बताइएको छ ।

बैठकमा एमाले स्थायी कमिटी सदस्य रघुजी पन्त,केन्द्रीय सदस्य रबिन्द्र अधिकारी,दिलु पन्तलगायतको उपस्थिति रहेको बताइएको छ । त्यस्तै युवा संघका अध्यक्ष नरेशकुमार शाही, उपाध्यक्ष क्रान्ति बुर्लाकोटी, हिमाल लिम्बू,मुना शर्मा,प्रकाश रोका,पार्टी केन्द्रीय सदस्यद्वय रविन्द्र अधिकारी र दिलु पन्तसहित ३५० जना बैठकमा सहभागी हुनुहुन्छ ।

बिहान ८ बजे नै शुरु हुनुपर्ने भेला युथफोर्स बिभाग जगाउने नजगाउने,अशोक रावललाई प्रमुखको जिम्मा दिने नदिने विवादमा रुमल्लिएर ढिला भएको बताइन्छ ।

अध्यक्ष केपी शर्मा ओलीले पार्टीमा एकलौटी गरेको भन्दै समानान्तर गतिविधि चलाइरहेको खनाल-नेपाल पक्षले हिजो युवा संघको राष्ट्रिय भेला सम्पन्न गरेको थियो ।