ट्राफिक प्रहरीले समात्दा कोलाहल

ट्राफिक प्रहरीले दुःख दिएको भन्दै चालकहरूले बीच सडकमै बस रोकेर बिरोध गरेका छन् । चालकहरूले  हिजाे गोंगबूस्थित नयाँ बसपार्कअगाडि रोडमा बसहरू तेर्स्याएर बिरोध गरेपछि केहीबेर सडक अवरुद्ध भएको थियो ।

नियम पालना गर्दा पनि प्रहरीले चिट काटेको भन्दै उनीहरूले बिहान १० बजे करिब १० मीनेटसम्म सडकमा बस तेर्स्याएका हुन् ।

महानगरीय ट्राफिक प्रहरी कार्यालयले भने यात्रुसँग बढी भाडा लिएका बसलाई कारबाही गर्न खोज्दा अवरोध गरिएको बताएको छ । कार्यालयले बढी भाडा लिनेलाई कारबाही गर्न खोजिएकोमा अन्य चालकहरूले समेत अवरोध गरेको तर केही समयपछि यातायात सुचारु भएको जनाएको छ ।