बालबालिकालाई गायकको उत्प्रेरणा

भक्तपुरस्थित बालबालिका स्कुलमा बालबालिका उत्प्रेरणा कार्यक्रम सम्पन्न भएको छ ।

आइसा ट्रेडर्सको सहकार्यमा आशिष डाँगीले उक्त कार्यक्रम आयोजना गरेका हुन् । बालबालिकालाई हौसला र केहि मनोरञ्जनका कार्यक्रम गरी सबल र सक्षम बनाउने हेतुले गरिएको उक्त कार्यक्रमको प्रमुख आतिथ्यता स्कुलका प्रधानाध्यापक ईश्वर पाठकले गर्नुभएको थियो ।

युवाले नै राम्रो सिकाउन र बुझाउनसक्ने भएकाले युवा पत्रकार नवराज हुमागाईं,युवा समाज सेवक धर्म सार्की,आइसा ट्रेडर्सका सञ्चालक एवम तलेजु होस्टलका सञ्चालक प्रितम गुप्ताको कार्यक्रममा उपस्थिति रहेको थियो ।

यो कार्यक्रम पहिलो संस्करणको रुपमा लिइएको छ । अरु विद्यालय, कलेजलगायत विभिन्न स्थानमा उक्त चेतनामूलक कार्यक्रमलाई थप बिस्तार गरिने संस्थापक आशिष डाँगीले बताए । उनी भन्छन् ‘सानो सानो कार्यक्रम गरेर पछि ठूलो बनाइनेछ ।’ सामाजिक हितमा सक्रिय डाँगी गायक पनि हुन् ।