ट्रक दुर्घटनामा एकको मृत्यु, एक घाइते
भोजपुरमा ट्रक दुर्घटना हुँदा एक जनाको मृत्यु भएको छ ।
इटहरीबाट भोजपुरतर्फ जाँदै गरेको ना.३ख ३२० नम्बरको ट्रक सोमबार बेलुका अरुण गाउँपालिका–४ छेम्ताङमा दुर्घटना हुँदा एक जनाको मृत्यु हुनुका अन्य एक जना घाइते भएको प्रहरीले जानकारी दिएको छ ।
दुर्घटनामा परेर ट्रकमा सवार ट्रकका मालिक भेषबहादुर बस्नेतको घटनास्थलमानै मृत्यु भएको जिल्ला प्रहरी कार्यालय भोजपुरले जानकारी दिएको छ ।
त्यस्तै, गम्भीर घाइते ट्रक चालक जनकबहादुर खड्कालाई उपचारको निम्ति बिराट नर्सिङ्ग अस्पताल बिराटनगरमा लगिएको प्रहरीले जनाएको छ ।
मृतक बस्नेत मोरङको र घाइते चालक भोजपुर अरुण गाउँपालिका–६, जरायोटारका रहेको प्रहरीले बताएको छ ।
टिप्पणीहरू