सशस्त्रको मुख्यालय छेउमा दिउँसै गोली चल्यो

कैलालीको अत्तरियामा अज्ञात समूहले दिउँसै गोली चलाएको छ । आज साँझ पूर्वरोड बनखेतमा गोली चलेको हो । 

प्रहरीका अनुसार गोली लागेर न्यू घोडाघोडी सुनचाँदी पसलका सञ्चालक विकास गौतम घाइते भएका छन् । उनको अहिले पद्मा अस्पतालमा उपचार भैरहेको छ । 

गोली चलाउनेहरु फरार रहेको र उनीहरुको खोजी भइरहेको प्रहरीले जनाएको छ ।

गोली चलेको ठाउँ सशस्त्र प्रहरीको मुख्यालय नजिकै पर्दछ ।