साइनबोर्ड हटाउन महानगरको ताकेता, अटेर गरे पैसा तिर्नुपर्ने

काठमाडौँ महानगरपालिकाले सहरी क्षेत्रमा टाङ्गिएका ३० वर्ग फिटभन्दा ठूला साइनबोर्ड हटाउन सम्बन्धित सबैलाई पुनः आग्रह गरेको छ । महानगरले यसअघि ३५ दिने सूचना निकालेर साइनबोर्ड हटाउन आग्रह गरेपनि सम्बन्धित पक्षले बेवास्ता गरेपछि आज अर्को १५ दिने सूचना सार्वजनिक गरेको हो ।

‘यस सूचनालाई अवज्ञा गरी त्यस्ता परिचय पाटी (साइनबोर्ड) नहटाएमा महानगरको टोलीले हटाई सो वापत लागेको खर्चसमेत सम्बन्धित पक्षबाट असुलउपर गर्ने छ,’ सूचनामा भनिएको छ । साथै, महानगरपालिका क्षेत्रमा व्यवसाय वा कार्यालयले साइनबोर्ड राख्दा वार्षिक रुपमा रकम बुझाउनुपर्ने पनि सूचनामा उल्लेख छ ।