राजदूत भेटेलगत्तै एकीकृत समाजवादीका उपाध्यक्ष र प्रचण्डको भेट

नेकपा माओवादी केन्द्रका अध्यक्ष पुष्पकमल दाहाल प्रचण्डसँग आज बिहान स्वीटजरल्याण्डकी राजदूतको भेटवार्ता भएको छ । अध्यक्षसँग भेट्न राजदूत एलिजाबेज भोन क्यापेल्लर बिहान ८ बजे खुमलटार निवास पुग्नुभएको थियो । उहाँहरुबीच बिहान आधा घण्टा कुराकानी भयो । लगत्तै अध्यक्ष दाहालसँग भेटवार्ताको निम्ति नेकपा एकीकृत समाजवादीका उपाध्यक्ष त्यहाँ जानुभएको थियो । 

उपाध्यक्ष प्रमेशकुमार हमालसँग माओवादी अध्यक्षले साढे ८ बजेदेखि भेटवार्ता गर्नुभएको हो । नयाँ सरकार गठनको रस्साकस्सी चलिरहँदा राजनीतिक दलका नेताहरुबीचको भेटवार्ताले नयाँ उचाई लिइरहेको छ । यसबीचमा एकीकृत समाजवादीका अध्यक्ष माधवकुमार नेपाल बिरामी हुनुभएकाले हिजोदेखि महाराजगञ्जस्थित त्रिभुवन विश्वविद्यालय शिक्षण अस्पतालमा भर्ना हुनुभएको छ ।