गगनलाई भारी मतले पराजित गर्दै देउवा दलको नेता निर्वाचित

 नेपाली कांग्रेस संसदीय दलको नेतामा पार्टी सभापति तथा प्रधानमन्त्री शेरबहादुर देउवा निर्वाचित हुनुभएको छ । प्रतिष्पर्धी गगन थापालाई भारी मतले पराजित गर्दै उहाँले जित्नुभएको हो ।  

 बुधबार बिहान ८ बजेदेखि १० बजेसम्म भएको निर्वाचनमा दलको नेतामा देउवा निर्वाचित हुनुभएको उहाँका प्रेस सल्लाहकार गोविन्द परियारले जानकारी दिए । ८९ सदस्यीय कांग्रेस संसदीय दलको निर्वाचनमा देउवाले ६४ मत पाउँदा प्रतिस्पर्धी थापाले २५ मत पाउनुभयो ।