सांसदहरुलाई शपथ खुवाउनुअघि सर्वदलीय बैठक

प्रतिनिधिसभामा जेष्ठ सदस्यका रुपमा सभा संचालन गर्ने जिम्मेवारी पाएका राप्रपाका नेता पशुपतिशमशेर राणाले संघीय संसदमा प्रतिनिधित्व गर्ने राजनीतिक दलहरुको बैठक बोलाएका छन् । आज राष्ट्रपतिबाट शपथ खाएलगत्तै राणाले सर्वदलीय बैठक डाकेका हुन् । 

आज आफूले शपथ ग्रहण गरेका राणाले भोलि दिउँसो १ बजे नवनिर्वाचित प्रतिनिधिसभाका सांसदहरुलाई पद तथा गोपनीयताको शपथ खुवाउँदैछन् । तर, त्यसअघि मध्यान्ह १२ बजेका लागि उनले सर्वदलीय बैठक आह्वान गरेका हुन् ।

बैठकमा प्रतिनिधिसभामा प्रतिनिधित्व गर्ने राजनीतिक दलका एक-एक जना र स्वतन्त्रबाट निर्वाचित सांसदलाई बोलाइएको छ । बैठकमा संसद सञ्चालनलगायतका विषयमा छलफल हुने बताइएको छ ।