कीर्तिमानी आरोही शेर्पा सम्मानित

संस्कृति, पर्यटन तथा नागरिक उड्डयन मन्त्रालयले कीर्तिमानी आरोही सानु शेर्पालाई सम्मान गरेको छ । 

पर्यटनमन्त्री जीवनराम श्रेष्ठले आरोही शेर्पालाई आज मन्त्रालयमा सम्मान गर्नुभएको हो । उहाँले आफ्नो एक महिनाको तलब ७० हजार ७३० रुपैयाँको चेक सम्मानस्वरुप हस्तान्तरण गर्नुभएको छ । 

सो अवसरमा मन्त्री श्रेष्ठले हिमाल आरोहण आफैंमा अत्यधिक चुनौतीपूर्ण कार्य रहेको उल्लेख गर्दै भन्नुभयो, ‘आठ हजार मीटरभन्दा अग्ला १४ वटा हिमाल दुई–दुई पटक आरोहण गरेर विश्व कीर्तिमान राखेकोमा बधाई दिन्छु ।’

सगरमाथा आरोहण गर्नेलाई अन्य मुलुकमा गौरवका साथ सम्मान गरिन्छ । कीर्तिमानी आरोही सानुसहित अन्यको चर्चा विश्वमा पुर्याउन सके पर्यटन क्षेत्रको थप प्रचार हुने मन्त्रीको भनाइ छ ।