काठमाडौंलगायत अधिकांश विमानस्थल बन्द

खराब मौसमका कारण आज त्रिभुवन अन्तर्राष्ट्रिय विमानस्थलमा कुनै पनि उडान र अवतरण हुन सकेको छैन । रातिदेखि नै बाक्लो हुस्सु लागेका कारण विमान अवतरण र उडान हुन नसकेको हो ।

काठमाडौं विमानस्थलको भिजिबिलिटी आज बिहानदेखि एक हजार मीटर मात्रै रहेको बताइएको छ । उडान र अवतरणको निम्ति कम्तिमा एक हजार ६ सय मीटर हुनुुपर्ने जनाइएको छ ।

बाक्लो हुस्सुका कारण तराईका अधिकांश, पोखरा र सुर्खेत विमानस्थल पनि यतिबेलासम्म खुल्न सकेका छैनन् ।