माधव नेपाल शपथ खाएर अस्पताल फर्किने

बिरामी परेर अस्पताल भर्ना हुनुभएका एकीकृत समाजवादी अध्यक्ष माधवकुमार नेपाल प्रतिनिधिसभा सदस्यको पद तथा गोपनीयताको शपथ ग्रहणका लागि आज संसद भवन जानुहुने भएको छ । 

नयाँ बानेश्वरस्थित संघीय संसद भवनमा आज दिउँसो १ बजे नवनिर्वाचित प्रतिनिधिसभा सदस्यलाई शपथ गराउने कार्यक्रम छ । रौतहट–१ बाट चुनाव जित्नुभएका नेपाल अस्पतालबाटै संसद भवन जाने र शपथ पछि पुनः अस्पताल फर्किने बताइएको छ । 

रूघा खोकी, ज्वरो र छातिमा संक्रमण देखिएपछि उहाँ गत आइतबार त्रिवि शिक्षण अस्पताल महाराजगन्जमा भर्ना हुनुभएको हो ।