मुस्लिम आयोगका अध्यक्ष १२ दिनपछि विदेशबाट फिर्ता

मुस्लिम आयोगका अध्यक्ष समिम मियाँ अन्सारी आज बिहान स्वदेश फर्केका छन् । उनी १२ दिनपछि विदेशबाट नेपाल आएका हुन् । फ्लाई दुबईको उडानमा आज बिहान साढे ७ बजे दुबईबाट काठमाडौं आइपुगेको बताइएको छ ।

उनी मंसिर २६ गते राति संयुक्त अरब इमिरेट्सको दुबईतर्फ प्रस्थान गरेका थिए । अन्सारीले उता जाँदा हिमालय एअरलाइन्सको उडान नम्बर एच ९५६५ बाट ००३००३९ नम्बरको राहदानी प्रयोग गरेका थिए ।

यसअघि भदौ १८ गते राति विमानस्थलको विशिष्ट कक्षबाट आफ्नो कारमा राखेर दुबईबाट सँगै आएका रिजवान आलमलाई भगाएको आरोप लागेका अन्सारी १२ दिनअघि त्यता जानु र आज बिहान फर्कनुको प्रयोजन खुलेको छैन । १ करोड ६९ लाख रुपैयाँ धोखाधडीको आरोप लगेका आलमलाई त्यहाँबाट नक्सालस्थित होटल मेरियट पुर्याइए पनि पछि प्रहरीले पक्राउ गरेको थियो ।