श्रीमती संघ बोकेको सैनिक जहाज धनगढीमा अवतरण

कञ्चनपुरको लालझण्डीमा सञ्चालन हुन लागेको स्वास्थ्य शिविरको सामान लिएर सैनिक श्रीमती संघको टोली धनगढी पुगेको छ । नेपाली सेनाको क्यासा एनए–०६२ जहाजमा संघको टोली भर्खर धनगढी विमानस्थलमा अवतरण गरेको हो । 

३२ सदस्यीय टोलीको नेतृत्व संघकी अध्यक्ष सुनिता शर्माले गरेकी छिन् । टोलीमा उपाध्यक्ष कल्पना राणा, उमा खड्का, सचिव सोभाना पौड्याल, कोषाध्यक्ष सगुन राणा, सह–कोषाध्यक्ष संगिता भण्डारी रहेका छन् । 

त्यस्तै, सदस्य लक्ष्मीकुमारी ढकाल, कविताकुमारी ढकाल, सरस्वती केसी, बबी विष्ट, उमा थापा, सल्लाहकार तुलसी अधिकारी मिश्र, संयोजक अनुपा शर्मा, सह–संयोजक रिना घिमिरे, सेनानी स्मारिका शाही पनि टोलीमा देखिएका छन् । 

प्राविधिक सेनानी डा.निरञ्जन पुडासैनी, प्रा. हुड्डा डिपेश खड्का, अध्यक्ष शर्माको सहयोगी अञ्जु शर्मा गौतम र सेनानी स्मारिका शाहीको छोरा अविघ्न सिंह पनि उनीहरुसंगै धनगढी गएका छन् ।