प्रचण्डलाई अमेरिकाको पनि बधाई

नेपालको सत्ता समीकरणमा प्रत्यक्ष चासो राख्दै राजनीतिक भेटघाटमा सक्रिय रहँदै आएको अमेरिकी दूतावासले माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री भएकोमा बधाई दिएको छ । नवनियुक्त प्रधानमन्त्री प्रचण्डलाई राजदूत डी.आर. थम्प्सनले आज बधाई दिएका हुन् । 

आफ्नो बधाई सन्देशमा राजदूत थम्प्सनले प्रचण्डको प्रधानमन्त्रीत्वकालमा नेपाल र अमेरिकाबीचको द्विपक्षीय सम्बन्ध थप प्रगाढ हुने विश्वाससमेत व्यक्त गरेका छन् । ‘प्रधानमन्त्री नियुक्त भएकोमा प्रचण्डलाई हार्दिक बधाई । प्रजातन्त्र, मानवअधिकार र आर्थिक समृद्धिका लागि ७५ वर्ष लामो द्विपक्षीय सम्बन्ध थप प्रगाढ हुने अपेक्षा छ’, सामाजिक सन्जाल ट्वीटरमा उनले उनले लेखेका छन् । 

प्रचण्डलाई छिमेकी मुलुक चीन र भारतले हिजै बधाई दिएका थिए ।