नेपालगञ्ज जान लागेको ट्रकमा बीलभन्दा बढीको सामान

खुद्रा, हार्डवेयर र औषधिजन्य सामग्री बोकेर वीरगञ्जबाट बाँकेतर्फ जाँदै गरेको मालवाहक ट्रकलाई प्रहरीले नियन्त्रणमा लिएको छ । चेकजाँचका क्रममा बिलबिजकभन्दा बढी सामान राखेको भेटिएपछि प्रहरीले उक्त गाडी समातेको बताइएको छ ।

वीरगञ्ज महानगरपालिका–८, घण्टाघर चोकबाट ना.६ ख ६६६७ नम्बरको मालवाहक ट्रक पक्राउ गरिएको प्रहरीले जनाएको छ । नेपाल रोड क्यारिएर ट्रासपोर्टको उक्त ट्रकमा बिलबिजक शंकास्पद देखिएकाले नियन्त्रणमा लिइएको हो ।

प्रहरीका अनुसार ट्रक नियन्त्रणमा लिएर जाँच गर्दा ९४ लाख २१ हजार १५ रुपैयाँ बराबरको खुद्रा, हार्डवेयर तथा औषधिजन्य सामग्री फेला परेको छ । थप अनुसन्धान तथा कारबाहीका लागि समानसहितको ट्रक राजस्व अनुसन्धान कार्यालय, बारा पठाइएको छ ।