ससुराली फिलिपिन्स गएका एमाले सांसद सिंगापुर हुँदै मध्यराती फिर्ता

एमाले समानुपातिक सांसद तथा नेपाल परिवार दलका अध्यक्ष एकनाथ ढकाल हिजो राति काठमाडौं फर्केका छन् । उनी सिंगापुर हुँदै काठमाडौं आएका हुन् । ढकाल सिंगापुर एअरलाइन्सको उडान नम्बर एसक्यु ४४२ बाट राति १० बजे काठमाडौं आएको बताइएको छ । 

गत साता शपथग्रहणको भोलिपल्टै उनी फिलिपिन्सको राजधानी मनिला ससुरालीमा कृसमस मान्न गएका थिए । ढकाल एउटा कार्गो चार्टर उडानमा त्यता गएकोमा फर्किंदा सिंगापुरको बाटो रोजेका हुन् ।