पौने १२ बजे झापा जानुभएका एमाले अध्यक्ष ४ बजे फिर्ता

एमाले अध्यक्ष केपी शर्मा ओली झापा पुगेर फर्कनुभएको छ । उहाँ आजै बिहान पौने १२ बजे काठमाडौंबाट भद्रपुर जानुभएको थियो । 

मुश्किलले तीन घण्टा गृह जिल्लामा रहनुभएका अध्यक्ष ओली अपरान्ह ४ बजे काठमाडौं आउनुएको छ । उहाँले बिहान जाँदा र अहिले फर्कंदा यति एअरको उडान प्रयोग गर्नुभएको हो । 

उहाँ प्रदेश १ नम्बरको सरकार आफ्नै पार्टीको नेतृत्वमा बनाउन झापा जानुभएको र नातामा ज्वाईं पर्ने तुलसी संग्रौलाको बाह्रौं दिनको पुण्यतिथिमा श्रध्दान्जलीसमेत दिने योजना रहेको बताइएको थियो । तुलसी संग्रौला अध्यक्ष ओलीलाई मिर्गौला दिने भान्जी समीक्षा संग्रौलाका पिता हुनुहुन्छ । समीक्षाले तीन वर्षअघि उहाँलाई मिर्गौला दान गर्नुभएको थियो ।