एमालेले राष्ट्रिय सभामा र माओवादीले प्रदेश १ मा नेता तोक्यो

नेकपा एमालेले राष्ट्रियसभाको संसदीय दलको नेतामा देवेन्द्र दाहाललाई मनोनित गरेको छ । पार्टीको संघीय संसदीय दलका नेता केपी शर्मा ओलीले दाहाललाई नियुक्त गर्नुभएको जानकारी दिइएको छ ।

उता नेकपा माओवादी केन्द्रले प्रदेश १ सभामा पनि संसदीय दलको नेता चयन गरेको छ । प्रदेश नम्बर १ को माओवादी संसदीय दलको बैठकले संसदीय दलको नेतामा पाँचथरको प्रदेशसभा (२) बाट निर्वाचित इन्द्रबहादुर आङ्बोलाई सर्वसम्मत चयन गरेको हो ।