गृहमन्त्रीको कार्यकक्षमा सबै सुरक्षा निकायको उपस्थिति

आज गृह मन्त्रालयमा उपप्रधान तथा गृहमन्त्री रवि लामिछानेको अध्यक्षतामा केन्द्रीय सुरक्षा समितिको बैठक बसेको छ । दिउँसो ४ बजेदेखि बसेको बैठक दुई घण्टाभन्दा बढी समय लम्बेको बताइन्छ । 

बैठकमा गृहसचिव विनोदप्रकाश सिंह, नेपाली सेनाका रथी सरोजप्रताप राणा, प्रहरी महानिरीक्षक धिरजप्रताप सिंह, सशस्त्र प्रहरी महानिरीक्षक राजु अर्याल, मुख्य अनुसन्धान निर्देशक हुतराज थापा, गृह प्रवक्ता फणिन्द्रमणि पोखरेललगायतको उपस्थिति थियो । बैठकमा समग्र सुरक्षा अवस्थाको बारेमा ब्रिफ्रिङ गरिएको गृह मन्त्रालय स्रोतले बतायो ।