एमाले नेता महेश बस्नेत दिल्लीबाट फिर्ता

एमाले नेता तथा पूर्वमन्त्री महेश बस्नेत नयाँ दिल्लीबाट हिजो दिउँसो हप्ता दिनभन्दा बढी समयपछि स्वदेश फर्कनुभएको  हो । बस्नेत चढेको एअर इण्डियाको उडान नम्बर एआई २१५ विमान पौने ३ बजे काठमाडौं विमानस्थलमा अवतरण गरेको थियो ।  

बस्नेत पुस ४ गते दिल्ली जानुभएको थियो । कतारमा विश्वकप हेरेर फर्किनासाथ उहाँ सोही दिन दिउँसो दिल्लीतर्फ लाग्नुभएको हो ।  दोहामा विश्वकप फुटबल हेर्न बस्नेतसहित पूर्व आइजिपी सर्वेन्द्र खनाललगायतको टोली कतार गएको थियो । 

बस्नेतले कतारको लुसेल रंगशालाबाट अर्जेन्टिनाको जर्सी लगाएको तस्बिरसमेत सार्वजनिक गर्नुभएको थियो ।