काठमाडौंस्थित ‘र’ प्रमुख नयाँ दिल्ली प्रस्थान

भारतीय खुफिया एजेन्सी ‘र’ का काठमाडौं स्टेशन प्रमुख आज स्वदेश गएका छन् । ‘र’ प्रमुख राघव भट्नागर नेपालको पछिल्लो राजनीतिक अवस्थाको रिपोर्टिङ गर्न नयाँ दिल्ली गएको बताइएको छ ।

भट्नागर आज एअर इण्डियाको उडान नम्बर एआई २१५ बाट बिहान ११ बजे त्यसतर्फ गएका हुन् । नेपालमा चुनाव अघिदेखि नै राजनीतिक अवस्था र जोड घटाउलाई आफ्नै ढंगले हेर्दै आएको भारतीय खुफिया एजेन्सीले गत आइतबारको राजनीतिक ‘यु टर्न’ को भेउ नै पाउन नसकेको हो । 

उनै राघव पछिल्लो एक सातादेखि बिरामी परेर घरभित्र बसेका थिए । यसबीचमा राजनीतिक उथलपुथल भइसक्दा ‘र’ ले पनि साँझ मात्रै थाहा पाएको हो ।