एक जना चिनियाँ विमानस्थलबाटै घर फिर्ता

हिजो नेपाल आएका एक जना चिनियाँ यात्रुलाई त्रिभुवन अन्तर्राष्ट्रिय विमानस्थलबाटै फिर्ता पठाइएको छ । चाइना साउदर्नको उडान नम्बर ६०६७ बाट हिजो काठमाडौं अवतरण गरेका औयाङ लेइलाई फिर्ता पठाइएको विमानस्थलस्थित अध्यागमन कार्यालयले जनाएको छ ।

लेई सन् २०२२ मा एक सय ५० दिनको पर्यटक भीसामा नेपालमा बसेर स्वेदश गएका थिए । तर,सोही भीसामा हिजो फेरि काठमाडौं आउनुको कारण र उद्देश्य प्रष्ट पार्न नसकेपछि उनलाई फिर्ता पठाइएको बताइएको छ ।