रत्नराज्य क्याम्पसमा खुकुरी प्रहार, अनेरास्ववियुका अध्यक्ष र उपाध्यक्ष घाइते

काठमाडौंको प्रदर्शनीमार्गस्थित रत्नराज्य क्याम्पस (आरआर क्याम्पस) मा विद्यार्थीहरुबीच खुकुरी हानाहान भएको छ । स्ववियु निर्वाचनको विषयमा एमाले निकट विद्यार्थी संगठन अनेरास्ववियुका नेताहरूबीच विवाद हुँदा खुकुरी हानाहान भएको हो ।

विवादले उग्र रूप लिएपछि उनीहरुले खुकुरी निकालेको बताइन्छ । खुकुरी प्रहारबाट अनेरास्ववियु आरआर क्याम्पसका अध्यक्ष मदन भण्डारी र उपाध्यक्ष लोकेश खड्कलगायत घाइते भएका छन् ।

घाइतेको काठमाडौँ मोडल अस्पतालमा उपचार भइरहेको छ । प्रहरीले घटनामा संलग्न कृष्ण गिरि, जलप तामाङ, द्रुतराज लामा र सविन निरौलाई पक्राउ गरेको जानकारी दिएको छ ।