प्रधानमन्त्री भेट्नुअघि महेश बस्नेत माधव नेपालको निवासमा

एमाले नेता महेश बस्नेतले हिजो प्रधानमन्त्री पुष्पकमल दाहाल प्रचण्डसँग दुई पटक भेटवार्ता गर्नुभएको छ । उहाँले दिउँसो ४ बजे सिंहदरबारस्थित प्रधानमन्त्री कार्यालयमा र साँझ साढे ७ बजे बालुवाटारस्थित प्रधानमन्त्री निवासमा कुराकानी गर्नुभएको थियोे  । 

त्यसअघि उहाँ हिजो दिउँसो कोटेश्वरस्थित पूर्वप्रधानमन्त्री माधवकुमार नेपाल निवास पुग्नुभएको बताइन्छ । नेकपा एकीकृत समाजवादीको अध्यक्षसमेत रहनुभएका नेपालसँग नेता बस्नेतले दिउँसो साढे १२ बजे कुराकानी गर्नुभएको हो ।

त्यसबखत नेता मेटमणि चौधरी पनि सँगै रहनुभएको अध्यक्ष नेपालको सचिवालयले पुष्टि गरेको छ ।