काठमाडौंमा अमेरिका र बेलायतका दुई दुई जना राजदूत

काठमाडौंमा यतिखेर अमेरिका र बेलायतका दुई दुई जना राजदूत देखिएको चर्चा छ । नेपालका लागि ती मुलुकका राजदूतसँगै पछिल्लो एक सातादेखि बंगलादेशका लागि अमेरिका र बेलायतका राजदूत पनि यताको चिसोमा रमाएका छन् ।

बंगलादेशका लागि बेलायती राजदूत क्रिसमस इभको दिन ढाकाबाट काठमाडौं आएका हुन् । उनले यस पटकको क्रिसमस र नयाँ वर्षको कार्यक्रम यतै मनाउन लागेको बताइएको छ । उनी २४ तारिखका दिन यहाँ आएका हुन् । 

त्यसैगरी बंगलादेशका लागि अमेरिकी राजदूत पनि हिजो काठमाडौं आएका छन् । अहिले नेपालका लागि दुई र ढाकामा रहेका दुई जना अमेरिकी तथा बेलायती राजदूत गरी चार जना काठमाडौंमा भेटिएका हुन् ।

क्रिसमस र नयाँ वर्ष २०२३ को बिदा मनाउन ढाकामा रहेका विदेशी कूटनीतिज्ञहरुले काठमाडौं रोजेको स्रोतको दाबी छ ।