बालुवाटारमा नेता, सिंहदरबारमा व्यापारी

प्रधानमन्त्री पुष्पकमल दाहाल प्रचण्डसँग माओवादी केन्द्रका नेता लीलामणि पोखरेलले भेटवार्ता गर्नुभएको छ । अध्यक्ष तथा प्रधानमन्त्री प्रचण्डसँग भेट गर्न उहाँ हिजो साँझ बालुवाटार जानुभएको हो । 

प्रधानमन्त्री र पोखरेलबीच साँझ पौने ७ बजेदेखि झण्डै ८ बजेसम्म कुराकानी भएको बताइन्छ ।

यता सिंहदरबारमा हिजै व्यापारीहरुको दुई समूहले उपप्रधान तथा अर्थमन्त्री विष्णुु पौडेलसँग भेटेर कुराकानी गरेका छन् । उनीहरुले आफ्ना समस्या,बैंकको चर्को कर्जालगायत विषयमा छलफल गरेको व्यापारी तथा व्यवसायीहरुले बताए ।

अर्थमन्त्रीसँग चेम्बर अफ कमर्सका अध्यक्ष  राजेन्द्र मल्लसहितको टोलीले साढे ३ बजेको समयमा भेट गरेको हो । त्यसपछि मन्त्रालयमा नेपाल यातायात व्यवसायी राष्ट्रिय महासंघका अध्यक्ष खेमलाल भण्डारीको टोलीले भेट गरेर आफ्ना समस्या सुनाएको थियो ।