दिल्लीबाट आइपुग्यो लिखितमै बधाइ सन्देश

आमाको निधनको शोकका वीच प्रधानमन्त्री पुष्पकमल दाहाल प्रचण्डलाई भारतीय समकक्षी नरेन्द्र मोदीले बधाई पत्र पठाएका छन् । नेपालमा प्रचण्ड प्रधानमन्त्री भएकै दिन ट्वीटरमार्फत बधाई तथा शुभकामना दिएका मोदीले भारतीय राजदूतको हातमा लिखित बधाई सन्देश पठाएका हुन् । 

प्रचण्ड प्रधानमन्त्री नियुक्त भएकै दिन दिल्ली उडेका नेपालका लागि भारतीय राजदूत नविन श्रीवास्तव आज बधाई पत्र लिएर प्रधानमन्त्रीलाई भेट्न पुगेका थिए । भेटमा उनले मोदीले पठाएको पत्र हस्तान्तरण गरेको प्रधानमन्त्रीको सचिवालयले जनाएको छ।

भेटका क्रममा द्विपक्षीय हित र चासोका विषयमा कुराकानी हुनुका साथै नेपाल र भारतबीचको सम्वन्धलाई अझै मजबुत बनाउने बारेमा छलफल भएको बताइएको छ । यसअघि हिजोमात्रै भारतीय विदेश मन्त्रालयले प्रचण्ड सरकारसँग मिलेर काम गर्न इच्छुक रहेको बताएको थियो ।