प्रधानमन्त्रीलाई दुईतिरबाट पत्र, लंकाबाट फोन

प्रधानमन्त्री पुष्पकमल दाहाल प्रचण्डलाई श्रीलंकाका राष्ट्रपति रनिल विक्रमासिंघेले बधाई तथा शुभकामना व्यक्त गर्नुभएको छ । प्रधानमन्त्रीको सचिवालयका अनुसार उहाँलाई राष्ट्रपति विक्रमासिंघेले आज टेलिफोनमार्फत् बधाई दिनुभएको हो ।

फोन वार्ताको क्रममा दुई नेताबीच नेपाल र श्रीलंकाको मित्रतापूर्ण सम्बन्धलाई थप सुमधुर बनाउने विषयमा पनि कुराकानी भएको बताइएको छ । प्रधानमन्त्री प्रचण्डलाई आजै भारत र चीनका समकक्षीले आ–आफ्ना  राजदूतमार्फत पत्र पठाएर बधाई दिएका थिए ।