कृश्चियन धर्मगुरु भूतपूर्व पोप बेनेडिक्ट सोह्रौंको निधन

भूतपूर्व पोप बेनेडिक्ट सोह्रौंको आज निधन भएको छ । ९५ वर्षे उनी क्याथोलिक चर्चको सन् २००५ देखि २०१३ सम्म पोप थिए । 

भ्याटिकनका प्रवक्ता माटेओ ब्रुनीका अनुसार स्थानीय बिहान साढे ९ बजेको समयमा भूतपूर्व पोपको निधन भएको हो । उनको अन्त्येष्टि आगामी बिहीबार सेण्ट पिटर्स स्क्वायरमा हुने जनाइएको छ ।

यसअघि गत बुधबार बेनेडिक्ट निकै बिरामी परेको समाचार सार्वजनिक भएको थियो ।