आफ्नो बैंक खातामा सुको नभएको उपप्रधानमन्त्री श्रेष्ठको भनाइ

उपप्रधान एवम भौतिक पूर्वाधार तथा यातायातमन्त्री नारायणकाजी श्रेष्ठले आफ्नो बैंक खातामा कुनै रकम नभएको बताउनुभएको छ । राजधानीमा आयोजित एक कार्यक्रमलाई सम्बोधन गर्ने क्रममा उहाँले आफूसँग कुनै सेयर, जग्गाजमिन वा घर नभएको र बैंक खातामा समेत रकम नभएको मेयरसिंह जौवारी प्रतिष्ठानले आयोजना गरेको ‘बधाई तथा शुभकामना’ कार्यक्रममा धारणा राख्नुभएको हो । उहाँले भन्नुभयो, ‘म शक्ति र पैसाका लागि नभई देशसेवा गर्न पदमा आएको हुँ । त्यसैले मसँग अथाह सम्पत्ति र रकम नहुनु कुनै अचम्म भएन ।’

उहाँले आफूसँग राजकीय र पार्टी पदबाहेक अरु कुनै सम्पत्ति नभएको प्रष्ट पार्नुभयो । ‘कुनै चलअचल सम्पत्ति तथा एक कित्ता सेयर पनि छैन । राष्ट्रियसभा सदस्य भएकाले उसैले खोलिदिएकोबाहेक अरू कुनै बैंक खाता छैन ।’