अरु सरकारमा मस्त, दुईवटा समाजवादी बैठकमा व्यस्त

नेकपा एकीकृत समाजवादीको पोलिटब्युरो बैठक आज डाकिएको छ । बिहान ११ बजे पार्टी केन्द्रीय कार्यालय, आलोकनगरमा बैठक बस्ने बताइएको छ ।  हिजो र अस्ति पार्टी स्थायी कमिटीको बैठक बसेको थियो । उक्त बैठकबाट सरकारमा जाने वा नजाने भन्ने निर्णय नसकेपछि पोलिटब्युरोको बैठक बस्न लागेको जनाइएको छ । 

उता जनता समाजवादी पार्टी नेपालको राजनीतिक समितिको बैठक पनि आज बस्दैछ । बैठक बिहान ११ बजे ललितपुरस्थित ज्यापु समाजको भवनमा शुरु हुने जनाइएको छ । जसपाले पनि सरकारमा सहभागी हुने वा नहुने भन्नेबारेमा निर्णय गर्न बाँकी छ । साथै चुनावी समीक्षा,विधान अधिवेशनका बारेमा पनि छलफल हुने जानकारी दिइएको छ ।