केपी भेट्न बाबुराम साँझपख बालकोटमा
नेकपा एमालेका अध्यक्ष केपी शर्मा ओली र नेपाल समाजवादी पार्टीका अध्यक्ष डा. बाबुराम भट्टराईबीच भेटवार्ता भएको छ । वर्तमान सत्ता गठबन्धनको केन्द्र बनेको ओली निवास बालकोटमा आज अपराह्न उहाँहरुले भेटघाट गर्नुभएको हो ।
ओलीलाई भेट्न अपराह्न सवा चार बजेतिर बालकोट पुग्नुभएका डा. भट्टराई साँझ साढे पाँच बजेको हाराहारीमा त्यहाँबाट निस्कनुभएको थियो । भेटका क्रममा दुई नेताबीच पछिल्लो समसामयिक राजनीति घटनाक्रमका विषयमा कुराकानी भएको बताइएको छ ।
मङ्सिर ४ को निर्वाचनमा माओवादीको चुनाव चिन्हबाट निर्वाचनमा जानुभएका भट्टराई सत्ता गठबन्धनमा हुनुहुन्छ ।
ट्रेन्डिङ पोस्ट
टिप्पणीहरू