पर्यटक लोभ्याउन दुबईमा रक्सीको भाउ घटाइयो

खाडी मुलुकका प्रमुख शहरहरूबीच प्रतिस्पर्धा बढ्दै गएपछि पर्यटकहरूलाई लोभ्याउन संयुक्त अरब इमिरेट्सको दुबई राज्यले मदिरा बिक्रीमा लाग्दै आएको करमा ३० प्रतिशतले घटाएको छ ।

वितरकहरूद्वारा घोषणा गरिएको तर अधिकारीहरूले पुष्टि नगरेको यो कटौती विश्वको सबैभन्दा धेरै हो । वितरकहरु एमएमआई एन्ड अफ्रिका एन्ड इन्स्टर्नकाअनुसार २१ वर्षभन्दा माथिका गैर–मुस्लिमहरूलाई उपलब्ध व्यक्तिगत मदिरा इजाजतपत्र अब निःशुल्क हुनेछ ।

‘तपाईंलाई  मनपर्ने पेयहरू किन्न सजिलो र सस्तो भयो’, एमएमआईले एक फेसबुक पोष्टमा उल्लेख गरेको कटौती विवरणमा भनिएको छ । यसबारे दुबईका अधिकारीहरूबाट तत्काल कुनै प्रतिक्रिया आइनसकेको अन्तर्राष्ट्रिय सञ्चार माध्यमहरूले जनाएका छन् । 

दुबई संयुक्त अरब इमिरेट्सको आर्थिक, व्यापारिक र पर्यटन केन्द्र हो । यो प्रमुख तेल निर्यातक मुस्लिम देश पनि हो । उसले पर्यटक तान्न मदिरामा लाग्दै आएका बाधाहरूलाई बिस्तारै खुकुलो पारेको छ ।