कांग्रेसको केन्द्रीय कार्यसमिति बैठक सर्यो

नेपाली कांग्रेसको केन्द्रीय कार्यसमिति बैठक सरेको छ । आउँदो पुस २२ गतेका निम्ति निर्धारित बैठकको मिति परिवर्तन गरेर पुस २८ का लागि तोकिएको हो । पार्टी कार्यालयका मुख्यसचिव कृष्णप्रसाद पौडेलले विज्ञप्ति जारी गर्दै पुस २८ गते अपरान्ह १ बजे कार्यसमितिको बैठक बस्ने निश्चित भएको जानकारी गराएका छन् । 

‘नेपाली कांग्रेस केन्द्रीय कार्यसमितिको २२ पुसका लागि निर्धारित बैठकको मिति परिवर्तन गरेर पुस २८ गते अपरान्ह १ बजे बस्ने निश्चित गरिएको छ’, विज्ञप्तिमा भनिएको छ । त्यस्तै, प्रतिनिधि सभाको अधिवेशन पुस २५ गते हुने भएकाले पुस २३ गते दिउँसो १ बजेका लागि संसदीय दलको कार्यालय,सिंहदरबारमा बैठक बोलाइएको उनले जानकारी दिए ।