पृथ्वीनारायण शाहका नाममा भृकुटीमण्डपमा जलपान

राष्ट्रिय प्रजातन्त्र पार्टी (राप्रपा) ले ‘३०१ औं पृथ्वीजयन्ती तथा राष्ट्रिय एकता दिवस’ को अवसरमा जलपान समारोहको आयोजना गर्ने भएको छ । 

‘राष्ट्रनिर्माता श्री ५ बडामहाराजाधिराज पृथ्वीनारायण शाहको जन्मोत्सव’ को उपलक्ष्यमा राप्रपाले जलपान समारोह आयोजना गर्न लागेको बताइएको छ । 

राप्रपाले आगामी बुधवार काठमाडौंको भुकृटीमण्डपमा उक्त कार्यक्रम राखेको छ । दिउँसो १ बजेबाट बेलुका ४ बजेसम्म जलपान सञ्चालन गरिने जनाइएको छ । 

राप्रपा अध्यक्ष राजेन्द्र लिङ्देनको नाममा छापिएको कार्डमा कार्यक्रममा उपस्थित हुन निमन्त्रणा गरिएको छ । उक्त पार्टीले पृथ्वीजयन्तीको अवसरमा सार्वजनिक बिदा दिनुपर्ने माग गर्दै आएको छ ।