अघिल्लो उडानमा पारस र छोरीहरु,पछिल्लोमा हिमानी र छोरा

पूर्वयुवराज पारस र पूर्वयुवराज्ञी हिमानी शाहको परिवार आज सिमरा गएको छ । पारस बुद्ध एअरको अघिल्लो उडानमा र हिमानी बुद्ध एअरको एक घण्टा पछाडिको उडानमा काठमाडौंबाट त्यता गएको बताइएको छ । बुद्ध एयर स्रोतका अनुसार पारस छोरीहरु पूर्णिका र कृतिकासँग अपरान्ह पौने ५ बजेको उडानमा त्यता गएका हुन् । हिमानी र छोरा हृदयेन्द्र त्यसको एक घण्टा पछिको उडानमा प्रस्थान गरेका थिए ।

हिमानी र हृदयेन्द्र सवार बुद्ध एअरको उडान भने पौने ६ बजे काठमाडौंबाट उडेको थियो । यसअघि सिमरास्थित प्रभु निवासमा बस्नुभएका पूर्वराजा ज्ञानेन्द्र र पूर्वरानी कोमल स्थलमार्ग हुँदै गत साता चितवन आउनुभएको थियो । पूर्व राजदम्पतीले सिमराअघि जनकपुर गएर एक रात बितायो ।