एकीकृत समाजवादीका प्रवक्ता बालुवाटारमा

नेकपा एकीकृत समाजवादीका उपमहासचिव तथा प्रवक्ता जगन्नाथ खतिवडा बालुवाटार पुग्नुभएको छ । उहाँ प्रधानमन्त्री पुष्पकमल दाहाल प्रचण्डसँग संक्षिप्त भेटवार्ता गरेर भर्खरै त्यहाँबाट निस्कनुभएको छ ।

खतिवडा बिहान साढे ७ बजे बालुवाटार जानुभएको र प्रधानमन्त्रीसँग आधा घण्टा कुराकानी गर्नुभएको बुझिएको छ । तर प्रधानमन्त्री र एकीकृत समाजवादीका प्रवक्ताबीच भएको भेटवार्ताको विस्तृत विवरणवारे दुबै पक्षले जानकारी गराएका छैनन् । पार्टीको झण्डै एक साता लामो विभिन्न बैठकपछि उपमहासचिव तथा प्रवक्ता खतिवडाले प्रधानमन्त्रीलाई भेट्नुभएको हो ।