अमेरिकी राजदूतले उपप्रधानमन्त्री भेटे

नेपालका लागि अमेरिकी राजदूत डीन आर थम्पसनले उपप्रधान तथा भौतिक पूर्वाधार तथा यातायात मन्त्री नारायणकाजी श्रेष्ठसँग भेटवार्ता गरेका छन् । 

राजदूत थम्प्सनले आज सिंहदरबार पुगेर उपप्रधानमन्त्री श्रेष्ठलाई भेटेका हुन् । भेटमा राजदूतले उपप्रधानमन्त्रीलाई बधाई तथा शुभकामना दिएका थिए । साथै,  नेपाल–अमेरिकाबीचको द्विपक्षीय सम्बन्धलाई थप प्रगाढ बनाउने विषयमा पनि कुराकानी भएको बताइएको छ । 

एक साताअघि राजदूत थम्पसनले प्रधानमन्त्री पुष्पकमल दाहाल प्रचण्डसँग पनि भेटवार्ता गरेका थिए ।