माघ २५ को उपचुनावका लागि पुस २८ गते दल दर्ता

आगामी माघ २५ गते हुन लागेको राष्ट्रियसभा सदस्य उपनिर्वाचनका लागि निर्वाचन आयोगले दल दर्ताका लागि आह्वान गरेको छ । पुस २५ देखि २८ गतेभित्र दल दर्ता गराउन आयोगले भनेको हो । 

आयोगले आज सूचना प्रकाशित गर्दै आयोगको बेवसाइटबाट  निवेदनको ढाँचा डाउनलोड गरी दल दर्ताका लागि प्रक्रिया शुरु गर्न सकिने जानकारी गराएको छ । लुम्बिनी प्रदेशबाट राष्ट्रिय सभा सदस्य निर्वाचित खिमलाल भट्टराईले राजीनामा दिएपछि रिक्त भएको एक सीटका लागि उपनिर्वाचन हुन् लागेको हो ।