चिनियाँ राजदूत आइपुगे

काठमाण्डौ   नेपालका लागि नवनियुक्त चिनियाँ राजदूत छन सोङ काठमाडौँ आइपुगेका छन् । एअर चाइनाको उडान नम्बर सीए ४३७ बाट छेन्दु हुँदै उनी बिहान ११ बजे काठमाडौं ओर्लिएका हुन् । राजदूत सोङलाई त्रिभुवन अन्तर्राष्ट्रिय विमानस्थलकाे अति विशिष्ट कक्षमा परराष्ट्र मन्त्रालय र चिनियाँ दूतावासका कर्मचारीहरूले स्वागत गरेका छन् । 

यसअघिका राजदूत हौ यान्छी चार वर्षे कार्यकाल पूरा गरी स्वदेश फर्किएसँगै सोङ गत महिना नै नेपालका लागि नयाँ राजदूत नियुक्त भएका थिए । तर,उनी लामो समय कार्यभार सम्हाल्न आएनन् । अन्तत:  राजनीति सरगर्मी बढिरहेका बेला सोङ काठमाडौँ आइपुगेका हुन् ।