बागलुङ जेसिज अध्यक्षमा सौरभ श्रेष्ठ

अन्तर्राष्ट्रिय सामाजिक संस्था बागलुङ जेसिजको अध्यक्षमा सौरभ श्रेष्ठ चुनिएका छन् । ‘शासन व्यक्तिको होइन, विधिको हुनुपर्छ’ भन्ने सिद्धान्तमा स्थापित जेसिजलाई व्यक्तित्व र नेतृत्व विकास गर्ने अन्तर्राष्ट्रिय सामाजिक संस्थाको रुपमा लिइन्छ । 

बागलुङ जेसिजको ४५ औ साधारणसभा तथा अधिवेशनले श्रेष्ठलाई अध्यक्षमा चयन गरेको हो । यस्तै कार्यकारिणी अध्यक्षमा सुशान्त कृष्णा श्रेष्ठ, गणेश महतो तथा उपाध्यक्षहरूमा सौरभ खत्री, सुलभ खड़का, प्रेमप्रसाद ढकाल, रुशन सापकोटा छानिएका छन् । 

निर्देशकमा रोहन जिसी, प्रतिभा केसी चयन भएका छन् । ४५ औं वार्षिक साधारण सभा तथा शाखा अधिवेशनको अध्यक्षता वर्ष २०२२ का कार्यवाहक अध्यक्ष आनन्दप्रसाद रेग्मीले गरेका हुन् । जेसिज वर्ष २०२३ को निम्ति अध्यक्ष श्रेष्ठले महासचिव अञ्जिला श्रेष्ठ,  कोषाध्यक्षमा बलराम कडेल र तालिम संयोजकमा बिन्दा कार्की (सोनी) लाई मनोनित गरेको जेसिजका कार्यकारी अध्यक्ष गणेश महतोले बताए ।