प्रदेश १ को पहिलो अधिवेशनको दोस्रो बैठक सर्यो

प्रदेश १ को पहिलो अधिवेशनको दोस्रो बैठक भोलि नबस्ने भएको छ । भोलि दिँउसो १ बजेका लागि तोकिएको बैठक सरेको हो । 

विशेष कारणबश भोलिको बैठक सार्नुपर्ने भएको प्रदेश सभा सचिवालयले जनाएको छ । 

उक्त बैठक पुस २६ गते मंगलबारका लागि सारेको सचिव गोपालप्रसाद पराजुलीले बताए ।

‘विशेष कारणले प्रदेश सभा नियमावली, २०७४ को नियम ६ को उपनियम (३) बमोजिम मिति २०७९ साल पुस २६ गते मंगलबार दिनको ११ बजे बस्ने व्यहोरा माननीय ज्येष्ठ सदस्य (सभामुख) ज्यूको आदेशानुसार माननीय प्रदेश सभा सदस्यज्यूहरुको जानकारीका लागि यो सूचना प्रकाशित गरिएको छ’, सचिवालयले जारी गरेको सूचनामा भनिएको छ ।