पेट्रोल, डिजेल र मट्टितेलको भाउ ३ रुपैयाँ घट्यो

नेपाल आयल निगमले आज राति १२ बजेदेखि लागु हुनेगरी पेट्रोलियम पदार्थको भाउ घटाएको छ । निगमले पेट्रोल, डिजेल र मट्टितेलको मूल्य प्रतिलिटर तीन रुपैयाँ घटाएको छ ।

अब पेट्रोल १७५, डिजेल र मट्टितेलको मूल्य प्रतिलिटर १७२ रुपैयाँ कायम भएको छ । त्यसैगरी हवाई इन्धनको मूल्यमा अन्तर्राष्ट्रियतर्फ प्रतिलिटर अमेरिकी डलर १.४२० र आन्तरिकतर्फ प्रतिलिटर १७० रुपैयाँ कायम भएको जनाइएको छ ।

खाना पकाउने एलपी ग्यासको मूल्य भने प्रतिसिलिण्डर १८ सय यथावत रहेको निगमले प्रेस विज्ञप्ति मार्फत् जानकारी दिएको छ ।