चप्पल कारखाना नजिकै काँग्रेसका पदाधिकारीको भेला शुरु,प्रचण्ड सरकारवारे छलफल

नेपाली काँग्रेसको पदाधिकारी बैठक बसेको छ । महाराजगञ्ज नजिकै चप्पल कारखानास्थित सभापति शेरबहादुर देउवाको अस्थायी निवासमा पदाधिकारी बैठक शुरु भएको हो । बैठकमा वरिष्ठ नेता रामचन्द्र पौडेल, उपसभापति पूर्णबहादुर खड्का, महामन्त्रीद्वय विश्वप्रकाश शर्मा र गगनकुमार थापा,सहमहामन्त्री महेन्द्र यादवको उपस्थिति छ । 

त्यसैगरी नेता डा. शेखर कोइराला, मुख्य सचेतक रमेश लेखक, कृष्णप्रसाद सिटौलालगायत पनि बैठकमा सहभागी छन् । साढे ८ बजेबाट शुरु भएको बैठकमा अन्य पदाधिकारीहरु पनि आउने क्रम जारी छ ।

बैठकमा आज संसदमा प्रस्तुत हुने प्रधानमन्त्री पुष्पकमल दाहालको विश्वासको मतसम्बन्धी प्रस्तावमाथि गर्मागर्म छलफल भैरहेको बुझिएको छ ।