दक्षिण सुडानबाट फर्कियो शान्ति सैन्य टोली

संयुक्त राष्ट्र संघको आह्वानमा दक्षिण सुडानमा तैनाथ नेपाली शान्ति सैनिकहरुको टोली गए राति काठमाडौं फर्केको छ ।

दक्षिण सुडानमा तैनाथ चन्दननाथ गण (शान्ति सेना) आठौं डफ्फालाई बदली गर्न वीरदल गण (शान्ति सेना) नवौं डफ्फाका २१४ जना शान्ति सैनिकहरु सेनानी प्रविन उप्रेतीको नेतृत्वमा इथियोपियन एअरलाइन्सको उडानमा काठमाडौंबाट त्यसतर्फ प्रस्थान गरेका छन् । प्रमुख सेनानी राजन दाहालको कमाण्डमा खटिएको उक्त गणका ६३६ जना सकल दर्जाहरु यस अगावै मिशन इलाकामा पुगिसकेका छन् ।

त्यहाँ रहेको चन्दननाथ गण (शान्ति सेना) आठौं डफ्फाका २१३ जना शान्ति सैनिकहरु सेनानी रेखराज श्रेष्ठको नेतृत्वमा हिजो स्वदेश फर्किएको हो ।