लिलालाई ५८ सांसदको समर्थन, प्रदेश प्रमुखको हातमा पत्र

नेकपा एमालेका सांसद लिला गिरीले लुम्बिनी प्रदेश प्रमुख अमिक शेरचनसमक्ष मुख्यमन्त्रीका लागि दाबी पेश गरेका छन् । केन्द्रीय सत्ता गठबन्धनमा आबद्ध सात दलसहित लोसपा र दुई स्वतन्त्र सांसदको समर्थनमा उनले केही बेरअघि मुख्यमन्त्रीमा दाबी प्रस्तुत गरेका हुन् । 

गिरीलाई एमालेका २९, माओवादीका १०, राप्रपाका ४, नागरिक उन्मुक्ति पाटीका ४, जसपा ३, जनमत ३, लोसपा ३ र स्वतन्त्र २ गरी ५८ जना सांसदको समर्थन छ । ८७ सदस्यीय प्रदेशसभामा बहुमतका लाथि ४४ संसदको समर्थन आवश्यक पर्छ ।

कुनै पनि दलको एकल बहुमत नभएकाले प्रदेश प्रमुख शेरचनले आज दिउँसो ४ बजेसम्म संविधानको धारा १६८ को उपधारा २ बमोजिम बहुमत सदस्यको हस्ताक्षरसहित मुख्यमन्त्रीका लागि दाबी पेश गर्न समय दिएका छन् ।

सत्तारूढ गठबन्धनमा रहेका दलहरुमध्ये एमाले र माओवादीले आधा–आधा कार्यकाल लुम्बिनी सरकारको नेतृत्व गर्ने सहमति छ ।