विमान दुर्घटनाका शव काठमाडौँ ल्याउन सैनिक जहाज पोखरा उड्यो
हिजो बिहान भएको यति एयरलाइन्सको विमान दुर्घटनामा मृत्यु भएकामध्ये पहिचान हुन नसकेका शव काठमाडौँ ल्याउन नेपाली सेनाको हेलिकप्टर पोखरा उडेको छ ।
शव काठमाडौं ल्याउने जिम्मा पाएको सेनाले एम आई १७ एनए ०५३ हेलीसहित स्काई ट्रक पोखरा पठाइएको हो । सेनाको मध्य हवाई सुरक्षा बेसबाट उक्त जहाज अपराह्न पौने चार बजे पोखरातर्फ लागेको छ ।
यसअघि हेलिकप्टरसहित स्काई ट्रक पोखरा पठाउन सैनिक टीमसहितको बैठक बसेको थियो ।
विमान दुर्घटनामा पहिचान हुन नसकेका शव काठमाडौं ल्याउन त्रिभुवन विश्वविद्यालय शिक्षण अस्पताल महाराजगन्जबाट चिकित्सकहरुको विशेषज्ञ टोली आज बिहानै पोखरा पुगिसकेको छ ।
ट्रेन्डिङ पोस्ट
टिप्पणीहरू