सभामुखको उम्मेदवारी दिनुअगाडि एमाले र माओवादीका दुई नेताबीच सिंहदरबारमा भेट

पूर्वसभामुख तथा नेकपा एमालेका उपाध्यक्ष सुवास नेम्वाङ्ग र नेकपा माओवादी केन्द्रका नेता हितराज पाण्डेबीच भेटघाट भएको छ । 

सभामुखमा उम्मेदवारी दर्ताको केही घण्टाअघि पार्टीभित्र संसदीय फाँट हेर्ने जिम्मा पाएका दुई नेताले सिंहदरबारस्थित एमाले संसदीय दलको कार्यालयमा भेट गरेका हुन् । नेम्वाङ्ग र पाण्डे १२ बजेदेखि छलफलमा छन् । 

भोलिका लागि निर्वाचनको मिति तय भएको सभामुखको आज उम्मेदवारी मनोनयन हुँदैछ । संसद सचिवालयले आज दिउँसो १ बजेदेखि अपराह्न ४ बजेसम्मका लागि मनोनयन दर्ताको समय दिएको छ । सत्ता गठबन्धनबाट एमालेका देवराज घिमिरेलाई उम्मेदवार हुँदैछन् । 

यता, प्रधानमन्त्री पुष्पकमल दाहाल प्रचण्डलाई विश्वासको मत दिएर सम्बन्ध सुधारको प्रयास गरिरहेको नेपाली काँग्रेसले माओवादीको समेत समर्थनमा सभामुखमा उम्मेदवार उठाउने गरि छलफल शुरु गरेको छ ।