चिनियाँ कम्युनिष्ट पार्टीका महासचिवको प्रतिवेदन विदेशी भाषामा

चिनियाँ कम्युनिष्ट पार्टी (सिपिसी) को २० औँ राष्ट्रिय महाधिवेशनमा पार्टीका महासचिव एवम् राष्ट्रपति सी चिनफिङले प्रस्तुत गर्नुभएको प्रतिवेदन र महाधिवेशनले पारित गरेको सिपिसीको विधान विश्वका १० वटा विदेशी भाषामा प्रकाशित भएका छन् ।

चीनको विदेशी भाषा प्रेसले प्रतिवेदनलगायत विधान अंग्रेजी, फ्रेञ्च, रुसी, अरबी, स्पेनिस, पोर्चुगिज, जर्मन, जापानी, भियतनामी र लाओ भाषामा प्रकाशन गरिएको जनाएको छ । स्वदेश तथा विदेशका पाठकहरूको सुविधाका लागि चिनियाँ र अंग्रेजी पाठ समावेश गरी पुस्तकाकारमा दुई वटा भाषा संस्करण पनि जारी गरिएको चिनियाँ समाचार समिति सिन्ह्वाले जनाएको छ ।

पुस्तकमा चिनियाँ विशेषतासहितको समाजवादलाई केन्द्रमा राखेर मुलुक निर्माणको महान् कार्यमा एकताबद्ध भएर लाग्न महासचिव सीले दिनुभएको निर्देशनलगायत विषय समेटिएको छ ।